A wohre Gschicht vom Krampus Xaver

Übr viearzg Johr ischt des scho her,
und so frisch, als obs noch immr wär.

Grad Dezembr ischas und dr Xaver scho rennt,
ge luaga, ob oh a jedr Bengl pennt.
Wenn net, denn rumplat er am Lada, es kunnt äm s Grusa,
sogär Katz im Käär vrgisst ufs Muusa.

Am füfta und sechsta lauft er denn mit am Kloos dur a Matsch,
und als wär des net scho gnua der schwere Hatsch,
wartan Buaba vrsteckt mit Schneeballa,
bis er na inne rennt id Falla.

Bi dr Mengbruck, die zu dera Zit immr isig und glatt,
spannen dia Rotzle oh no an Spagat.
Und hauts da Xaver uf Goscha tuan Büch vor Lacha krampfa,
abr no solang, bis ma na hört, zur ägna Huustür zuahestampfa.

Nur no vrstecka, am beschta untram Bank,
vor lutr Angscht kriagan dia Büable Fiabr, würand krank.
Da erscht bescht holt vöra untram Tisch,
der hot Hosa voll vo lutr Schiss.

Mit am Vatr hinta noche, gohts usse zum Huus,
jetzt ischas mit dem junga Leba sicher uus.
Schreia hörtma den arma Kerle und Ketta schlaga,
da andra stülpts fascht da Maga.

Jeds Johr hond dia Krüppl neue Faxa usstudiert
Und äh Opfr hond se glei mit ikalkuliert.
Vrbärmscht hond se und sind froh,
tuat er da Rescht diesmol vrschona lo.

Abr dr Papa, jo – ma hätt an kennt,
abr wer denkt den scho dra, i somna Moment!
Nia hett er sina Buaba eppat tua der brave Vatr
Und des ganze Gschrei – als nur Theatr.

Mo i des kneist ho, ho i miar denkt,
das ma so jo ganz guat viel wiedr inne renkt.
A so bruchts wedr Richtr noch Schante,
für so manch rotzige Bande.

Weil dr Xaver, der hot des scho Rechta gmacht
Und übrs ganze Johr hond alle drübr glacht.
Am allermeischta abr dia mit da gröschta Böck,
hond am Xaver akünt, mit was an se snöscht mol holand us da Söck.

Bis denn wieder im Dezember wia mas kennt, dr Xaver als Krampus ummarennt.
Leidr ischt denn eppas in Mode ko,
a Kind sött ma einfach macha lo.
Oh wenn är an echta Rotzlöffl ischt,
sich blos kan Erwachsna id Entwicklig mischt.

A so än Xaver, hot ma d lüt denn reda göhrt,
a so a Kinderseel für alle zit zerstört.
Ma hot na denn liabr an hufa Glumpat schenkt,
hot se dabei sicher net viel denkt.

D Hauptsach di Alta künnt gmüatlich ruhaba,
oh Gott, dia arma Buaba.
Dr Xaver, so hond se gseht, teu na an Schock furs Leba vrpassa,
Statt dem kriagan se hüt bluatigs Kriagsspiel in Massa.

Kär meh hot für di ägna Fratza Zit,
für was oh, wos oh no Händys und sit Neuam facebook git.
Xaver, des ischt a trurige Gschicht,
drum oh des längscht fällige Gedicht.

Oh weil i wääs, dass du gedanklich noch oft bi solchna Kindr bischt,
bi dena, wo im Moment sus käner ischt.
An Ehraplatz hoscht du sicher no bi vielna Lüt,
vo dena viel selbr scho Großeltra hüt.